Floriana jagħtu twissija b’rebħa fuq Birkirkara

Floriana …….2

Birkirkara ….0

B’wirja konvinċenti, Floriana, kisbu rebħa meri­tata ta’ 2-0 fuq Birkirkara, biż-żewġ goals jaslu fit-tieni taqsima.

Kienu Birkirkara li ħolqu l-ewwel periklu wara biss żewġ minuti meta xutt ta’ Adailton, ġie mdawwar f’corner minn mal-art mill-goalkeeper, Georgi Kitanov.

Il-Greens wieġbu minuta biss wara mill-azzjoni li segwiet fuq in-naħa l-oħra tal-ground meta xutt ta’ Kemar Reid ġie salvat minn Marcel Zapytowski.

L-Istripes reġgħu ħolqu l-periklu fil-11-il minuta meta xutt ta’ Adailton minn pożiz­zjoni ideali intemm barra.

Dan sabiex minuta biss wara Lorenzo de Grazia għal Floriana xeħet cross lejn Ky­rian Nwoko li kellu t-tentattiv tiegħu mdawwar f’corner minn Zapytowski. 

Fl-20 minuta, il-Karkariż Ali Diakite minn qagħda ideali tefa’ l-ballun fix-xibka iżda pront kien ir-referee Fyodor Zammit li ħassar il-goal minħabba offside.

Min-naħa l-oħra, kienu Flo­riana li resqu viċin li jiftħu l-iskor meta, fil-31 minuta, Kemar Reid kellu d-daqqa ta’ ras tiegħu tiġi salvata minn  Zapytowski biex evita goal ċert.

Fit-42 minuta, Floriana reġ­­għu sabu lill-goalkeeper Karkariż attent meta mblokka t-tentattivi perikolużi ta’ Mattia Veselji u Maksim Valadzko.

Fil-ftuħ tat-tieni taqsima, Floriana, ħarġu fem aggressivi u ta’ dan ġew ippremjati meta fil-51 minuta fetħu l-iskor hekk kif Mattia Veselji ta lura l-ballun lil KEMAR REID li kellu x-xutt mill-ewwel tiegħu jintemm fix-xibka, bil-ballun jaħbat ma’ Kurt Zammit, qabel jintemm ġewwa.  

Birkirkara wieġbu fil-81 minuta, meta Yannick Yan­kam kellu daqqa ta’ ras ċentrali salvata mingħajr wisq diffikultá minn Kitanov.

Fit-83 minuta, il-Greens ingħataw penalty  meta Jovan Pajovic waqqa’ lil Matheus De Sousa fil-kaxxa … u mill-11-il metru JOSE ULISES ARIAS ma żbaljax hekk kif permezz ta’ xutt fil-baxx tefa’ l-ballun fir-rokna tax-xibka.

Fid-89 minuta, Floriana, kellhom f’saqajhom il-ballun tat-tielet goal meta l-player mill-Belarus, Maksim Valadzko, kellu x-xutt fil-baxx djagonali tiegħu jintemm ftit barra.

FLORIANA: 33-Georgi Kitanov, 2-Adam Magri Overend, 4-Oualid El Hasni, 7-Mattia Veselji (11-Matheus De Sousa 73), 9-Kemar Reid (8-Jose Ulises Arias 57), 14-Eman Micallef (21-Carlo Zammit Lonardelli 76), 20-Nicolas Matias Garcia, 22-Kyrian Nwoko, 24-Lorenzo de Grazia (12-Dunstan Vella 73), 42-Maksim Valadzko, 55-Alexandros Louro   – Coach: Mauro German Camoranesi

BIRKIRKARA: 1-Marcel Zaptowski, 3-Daniele Mariani, 4-Jovan Pajovic, 7-Adailiton De Jesus Queiroz, 8-Yannick Yankam, 11-Kurt Zammit, 20-Alex Satariano (6-Marko Duri­sic 56), 24-Enmy Manuel Pena Beltre (22-Matteo Gambin 77), 42-Simon Zibo, 77-Ali Diakite (25-Neil Micallef 56), 91-Ma­xuell Maia (10-Paul Mbong 56)   – Coach: Giovanni Tedesco

REFEREE: Fyodor Zammit

ASS. REFEREES: Duncan Sultana, Mitchell Scerri

RABA’ UFF: Daniel Portelli

SKORERS: K. Reid 51, J. Ulises Arias pen. 83 (F)

AMMONITI: E. Micallef, L. De Grazia, M. Valadzko, O. El Hasni (F), P. Mbong (B)