Floriana ……..1
Mosta ……….0
Minn Cristian Muscat
Floriana kisbu rebħa drammatika ta’ 1-0 kontra Mosta bil-goal jasal fil-ħin miżjud, proprju fl-aħħar azzjoni tal-partita biex naqqsu d-distakk għal żewġ punti fil-konfront tal-leaders Birkirkara.
Il-Greens ħarġu fuq l-offensiva u wara sitt minuti, xutt fil-baxx ta’ Sasere minn ġol-kaxxa għadda ftit barra. Mosta wieġbu fl-10 minuta permezz ta’ Okereke li x-xutt djagonali tiegħu għadda barra.
Minuta biss wara, Floriana reġgħu heddew meta l-ballun wasal għand Jake Grech li mill-viċin ma laqatx sew u l-goalkeeper ta’ Mosta Akpan salva mingħajr wisq diffikultá.
Fit-18-il minuta, Mosta reġgħu heddew meta Goncalves kellu xutt li ħabat max-xibka minn barra biex ta l-illużjoni tal-goal.
Fis-27 minuta, il-Greens fallew ċans tad-deheb li jiftħu l-iskor meta Kouro kellu xutt mill-viċin salvat minn Akpan b’diffikultá kbira.
Fit-33 minuta, Floriana kellhom attakk li sfuma fix-xejn meta Carlo Zammit Lonardelli xeħet għoli minn tarf il-kaxxa.
Mosta wieġbu fit-42 minuta, hekk kif Goncalves irnexxielu jikkonkludi mill-viċin iżda x-xutt tiegħu kien wieħed fraġli.
Eżatt qabel tmiem l-ewwel taqsima, Mosta tilfu ċans tajjeb meta minn azzjoni ta’ corner, il-ballun wasal fid-direzzjoni ta’ Sasha Cachia li kien kompletament żmarkat, iżda mill-viċin xeħet barra.
L-azzjoni sussegwenti waslet biss fit-83 minuta meta Floriana kienu għoddhom skorjaw iżda minn taħt il-lasti Franklin Sasere għamel l-impossibbli u tefa’ barra.
Fit-92 minuta, Mosta rebħu penalty meta Oualid El Hasni ffawlja lil Kone fil-kaxxa. Iżda mill-11-il metru l-istess attakkant Mosti kkonkluda ferm għoli.
Ta’ dan in-nuqqas, il-Mostin pattew qares minħabba li tliet minuti wara Floriana skorjaw dak li kellu jkun il-goal tar-rebħa meta b’intuwizzjoni naturali, JAKE GRECH, xeħet lill-partitarji ta’ Floriana f’dellirju ta’ ferħ.
FLoriana: 45-Christoffer Henri Mafoumbi, 4-Oualid El Hasni, 8-Jake Grech, 11-Thiago Nascimento, 12-Dunstan Vella, 20-Matias Garcia, 21-Carlo Zammit Lonardelli, 22-Kyrian Nwoko (7-Mattia Veselji 60), 27-Franklin Sasere, 55-Alexandros Kouro, 79-Cedric Yameogo – Coach: Darren Abdilla
MOSTA: 22-David Udoh Akpan, 4-Prince Afriyie, 5-Sasha Cachia, 6-Larsson Coulibaly (8-Sean Cipriott 87), 10-Giancarlo Goncalves (16-Gianluca Sciberras 82), 21-Nathan Agius, 23-Joshua Agyemand, 30-Sunday Okereke, 31–Joao Teixeira, 74-Jake Vassallo, 77-Zachary Brincat (9-Souleymane Kone 74) – Coach: Joseph Grech
REFEREE: Trustin Farrugia Cann
ASS. REFEREES: Duncan Spencer, Vasil Vasilev
RABA’ UFF: Ezekiel Barbara
SKORER: J. Grech 95 (F)
AMMONITI: C. H. Maffoumbi, J. Grech, Thiaguinho, A. Kouro, G. S. Yameogo, M. Veselji (F), J. Vassallo, S. Kone (M)
