Ritratt: Christine Borg
Floriana ………3
Valletta ……….0
Floriana kisbu l-ewwel rebħa tal-istaġun meta għelbu lir-rivali eterni, Valletta, bl-iskor ta’ 3-0 li ma kellhom l-ebda risposta għal-logħob metikoluż tal-Greens.
Wara bidu kwiet, fis-16-il minuta Floriana marru viċin minn Ulises Arias iżda l-konklużjoni tiegħu ġiet salvata minn Guarnone.
Fit-22 minuta, l-istess Guarnone salva tajjeb fuq xutt mill-viċin ta’ Kristian Keqi wara cross ta’ Arias mil-lemin. Fis-36 minuta, Floriana komplew igawdu l-inizjattiva u Caseres kellu daqqa ta’ ras salvata minn Guarnone wara freekick ta’ Arias
Żewġ minuti wara, Floriana fetħu l-iskor meta Adam Magri Overend temm ġirja fuq il-lemin bi cross perikoluż fejn ULISES JOSE ARIAS daħal tajjeb u għeleb lil Guarnone bir-ras.
Eżatt qabel is-siegħa logħob, Christian Gauci mar viċin għal Valletta b’ daqqa ta’ ras iżda Floriana rrispondew b’tentattiv tas-sostitut Mattia Veselji li ġie salvat mill-goalkeeper ta’ Valletta.
Fl-74 minuta Veselji kellu daqqa oħra ta’ ras mill-isbaħ salvata minn Guarnone wara cross ta’ Magri Overend mill-lemin. Ftit tas-sekondi wara, Valletta spiċċaw jilagħbu b’10 players meta tkeċċa Christian Gauci wara li rċieva t-tieni karta safra f’temp ta’ żewġ minuti. Minuta wara konlużjoni ta’ Brandon Paiber minn barra l-kaxxa ġiet imdawra f’ corner minn Guarnone.
Fid-79 minuta, b’reazzjoni ta’ Valletta, ix-xutt angolat ta’ Mario Fontanella ġie salvat minn Georgi Kitanov.
Iżda fis-87 minuta, Floriana irduppjaw hekk kif is-sostitut DANIEL AGIUS irċieva cross mix-xellug u b’xutt angolat mill-isbaħ ma ta ebda ċans lil Yenz Cini li daħal fil-post tal-imweġġa’ Guarnone li sakemm baqa’ fil-ground kien l-aħjar player tal-logħba billi salva lill-Beltin minn telfa umiljanti.
Minuta fuq il-ħin, Valletta setgħu naqqsu l-iżvantaġġ imma xutt minn barra l-kaxxa ta’ Kevin Tulimieri laqat il-minduda peró tliet minuti wara, Floriana żiedu ieħor permezz ta’ RYAN CAMENZULI li daħal tajjeb fil-kaxxa wara pass ta’ Veselji u għeleb lil Cini b’ xutt fil-baxx.
FLORIANA: 33-Georgi Kitanov, 2-Adam Magri Overend (77-Alejandro Garzia 86), 3-Christian Rutjens, 5-Zachary Cassar, 7-Augusto Caseres (96-Daniel Agius 85), 9-Kristian Keqi (21-Mattia Veselji 63’), 10-Ulises Jose Arias (22-Brandon Paiber 67), 20-Matias Nicolas Garcia, 28-Emiliano Callegari, 30-Jan Busuttil, 94-Ryan Camenzuli – Coach: Gianluca Atzori
VALLETTA: 26-Alessandro Guarnone (1-Yenz Cini 82), 5-Ryan Camilleri (10-Shaun Dimech 68’), 6-Triston Caruana (92-Kevin Tulimieri 82), 8-James Arthur, 14-Christian Gauci, 18-Enmy Pena Beltre, 19-Joseph Zerafa (11-Michele Sansone 46), 24-Ivan Curjuric, 77-Caio Prado, 88-Mario Fontanella, 97-Lucas Ribeiro Campos (66-Eslit Sala 68) – Coach: Antonio Jose Cardoso Mendes
REFEREE: Slobodan Petrovic
ASS. REFEREES: Alan Camilleri, Mark Ciantar
RABA’ UFF: Daniel Portelli
SKORERS: J. Arias 38, D. Agius 87, R. Camenzuli 94 (F)
AMMONITI: C. Rutjens, M. Garcia, M. Veselji (F); J. Zerafa, C. Gauci (V)
TKEĊĊA: C. Gauci 75 (V)
PLAYER TAL-LOGĦBA: Alessandro Guarnone (Valletta)
