Il-manager ta’ Everton, Frank Lampard, ġie mmultat £30,000 mill-FA Ingliża wara li kkritika lir-referee Stuart Attwell għall kontroll tiegħu fil-logħba kontra Liverpool.
Lampard aċċenna li Everton kien messhom ingħataw penalty wara li Anthony Gordon “twaqqa’” fil-kaxxa avversarja wara li sar kuntatt ma’ Joel Matip. Il-coach tat-Toffees sostna li kieku kien Mohamed Salah fil-pożizzjoni ta’ Gordon, ir-referee mill-ewwel kien isaffar għal penalty.
Din l-azzjoni ġiet analizzata mill-VAR u t-tackle tad-difensur ta’ Liverpool kienet waħda leġittima.
