Il-plejer Brażiljan Fred huwa plejer ġdid tal-klabb Tork ta’ Fenerbache hekk kif kien hemm qbil ma’ Manchester United dwar it-trasferiment tiegħu.
F’komunikat li ħarġu Fenerbache, intqal li fis-sigħat li ġejjin il-plejer ta’ 30 sena se jasal fil-belt kapitali Torka Istanbul sabiex jagħmel it-testijiet mediċi.
Fred jinsab kuntent b’dan it-trasferiment u sellem lill-partitarji l-ġodda tiegħu li bdew jiktbulu kliem ta’ tifħir fuq Facebook.
Fred lagħab 213-il partita mar-Red Devils, skorja 14-il gowl u wettaq 19-il assist f’ħames staġuni.
