Birkirkara …..…..0
Hamrun S. ………1
Minn Cristian Muscat
Kellu jkun freekick mill-isbaħ f’nofs it-tieni taqsima tal-Kroat Roko Prsa li ta tliet punti prezzjużi lil Hamrun hekk kif għelbu lil Birkirkara bl-iskor minimu ta’ 1-0 biex telgħu fit-tieni post tal-klassifika.
Detrimentali għal Birkirkara kien il-fatt li lagħbu għal kważi l-aħħar nofs siegħa bi player inqas meta tkeċċa Neil Micallef. Dan filwaqt li fl-aħħar sekondi tkeċċa wkoll għalihom il-captain Alex Satariano.
L-ewwel periklu wasal minn Hamrun Spartans meta fit-12-il minuta, Roko Prsa ra lill-goalkeeper Volpe jsalva tajjeb.
Fit-22 minuta, il-goalkeeper Henry Bonello rreċiproka tajjeb meta dawwar f’corner id-daqqa ta’ ras tal-Karkariż Maxuell Maia.
U f’botta u risposta, mill-azzjoni li segwiet fuq in-naħa l-oħra, Joseph Mbong avvanza fil-kaxxa u b’lob delizzjuż ra t-tentattiv tiegħu jistampa mal-mimduda.
Fil-ħin miżjud tal-ewwel taqsima, Birkirkara resqu viċin iżda Gislain Yikpe minn taħt il-last xeħet inkredibbilment barra.
Fil-ftuħ tat-tieni taqsima Birkirkara ħarġu ferm aggressivi u fid-49 minuta, daqqa ta’ ras ċentrali mill-viċin ta’ Maxuell Maia ġiet salvata minn Bonello
Fit-63 minuta, l-Istripes qalgħu daqqa ta’ ħarta meta spiċċaw jilagħbu b’għaxar players meta tkeċċa Neil Micallef wara li l-istess player ħaseb li kien hemm foul favur it-team tiegħu u waqqaf il-ballun b’idejh biex caħħad opportunitá ċara ta’ skor għal Hamrun.
Mill-free-kick li rriżulta ROKO PRSA, immira l-konklużjoni għar-rokna tax- xibka u ma ta l-ebda ċans lil Volpe jsalva, biex tefa’ lil Hamrun fil-vantaġġ.
U proprju, fil-95 minuta, Birkirkara spiċċaw jilagħbu b’disa’ players meta tkeċċa Alex Satariano wara li rċieva t-tieni karta safra.
Hamrun komplew jamministraw il-vantaġġ minimu li kellhom sa tmiem il-partita.
BIRKIRKARA: 1-Giacomo Volpe, 3-Ignacio Manuel Morello, 5-Agustin Sandona (13-Tomislav Papazov 46), 8-Paul Mbong, 20-Alex Satariano, 25-Neil Micallef, 27-Alessandro Coppola, 30-Nathan Cross, 59-Stephane Donovan Makoma (9-Kemar Reid 81), 91-Maxuell Maia, 93-Gislain Yikpe – Coach: Stefano De Angelis
HAMRUN S.: 1-Henry Bonello, 5-Sven Xerri, 10-Joseph Essien Mbong, 12-Roko Prsa, 14-Elionay Freitas Da Silva, 20-Jovan Cadenovic (25-Ederson Bruno Domingos 81), 27-Ognjen Bjelicic, 29-Kairou Abdoul Amoustapha, 91-Emerson Marcelina, 94-Ryan Camenzuli, 99-Raphael Lopes Silva – Coach: Winston Muscat
REFEREE: Matthew Degabriele
ASS. REFEREES: Luke Portelli, Mitchell Scerri
RABA’ UFF: Slobodan Petrovic
SKORER: R. Prsa 63 (HS)
AMMONITI: S. D. Makoma, M. Maia, K. Reid, A. Satariano (2) (B), R. Prsa, R. Camenzuli (H)
TKEĊĊEW: N. Micallef 63, A. Satariano 95 (B)
