Novak Djokovic, Karen Khachanov u Carlos Alcaraz, urew il-kwalitajiet superjuri tagħhom biex eliminaw lil Juan Pablo Varillas tal-Peru, Lorenzo Sonego tal-Italja u lill-kompatrijott tiegħu, Lorenzo Musetti, rispettivament.
Is-Serb seed numru 3, Djokovic, rebaħ 6-3 6-2 6-2 fuq it-tafal ta’ Roland Garros u mar quddiem Rafael Nadal biex ħa s-sjieda unika tar-rekord tal-aħħar tmienja.
Djokovic qed jimmira wkoll li jaqbeż lil Nadal billi jirbaħ it-23 titlu li huwa rekord tal-Grand Slam tal-irġiel.
Iċ-champion darbtejn issa jilgħab kontra l-11-il seed, ir-Russu, Karen Khachanov, li wasal sat-tielet kwarti-finali konsekuttiv tiegħu tal-Grand Slam b’rebħa ta’ 1-6 6-4 7-6 (9-7) 6-1 fuq it-Taljan mhux issidjat, Sonego.
Iż-żagħżugħ Spanjol, Carlos Alcaraz, kompla għaddej fit-triq it-tajba biex fis-semi-finali jiltaqa’ kontra Djokovic wara li għeleb lil Musetti fi tliet sets, 6-3 6-2 6-2, f’sagħtejn u tmien minuti.
Fil-logħob mir-raba’ round (l-Aħħar 32) Alexander Zverev għeleb lit-12-il seed, l-Amerikan Frances Tiafoe, 3-6 7-6 (7-3) 6-1 7-6 (7-55) f’maratona ta’ tliet sigħat u 41 minuta.
Il-Bulgaru 28 seed, Grigor Dimitrov, warrab lill-Ġermaniż Daniel Altmaier b’rebħa kbira ta’ 6-4 6-3 6-1 waqt li l-Arġentin Francisco Cerundolo kompla l-mixja tal-ħolm tiegħu f’Pariġi b’rebħa konvinċenti ta’ 3-6 6-3 6-4 7-5 fuq id-disa’ seed, l-Amerikan Taylor Fritz.
Ir-raba’ seed u finalista s-sena l-oħra, Casper Ruud, irkupra minn set minn taħt biex għeleb liċ-Ċiniż, Zhang Zhizhen, 4-6 6-4 6-1 6-4.
In-numru wieħed tad-dinja u champion darbtejn f’Pariġi, Iga Swiatek, għamlet whitewash doppju, meta għelbet liċ-Ċiniża Wang Xinyu, 6-0 6-0.
Beatriz Haddad Maia, issidjata fl-14-il post, għaddiet ukoll wara li żammet għal rebħa 5-7 6-4 7-5 f’partita ta’ sfida kontra r-Russa, Ekaterina Alexandrova, biex saret l-ewwel Brażiljana li waslet għall-Aħħar 16 f’Pariġi f’44 sena.
Is-sitt seed, l-Amerikana, Coco Gauff, finalista s-sena l-oħra, għaddiet wara li rkuprat minn set minn taħt biex kisbet rebħa ta’ 6-7 (5-7) 6-1 6-1 fuq ir-Russa ta’ 16-il sena, Mirra Andreeva.
Riżultati oħra huma: Ons Jabeur (Tuneżija) v Olga Danilovic (Serbja), 6-4 4-6 6-2; Lesia Tsurenko (Ukrajna) v Bianca Andreesca (Kanada) 6-1 6-1, Bernarda Pera (US) v Elisabetta Cocciaretto (Italja) 6-4 7-6 (7-2); Anna Katerina Schmiedlova (Slovakkja) v Kayla Day (US) 6-1 6-3; Sara Sorribes Tormo (Spanja) ingħatat walkover fuq Elena Rybakina (Kazakhstan) minħabba virus.
