L-aġenti ta’ Frenkie de Jong, Ali Dursun u Hasan Cetinkaya, informaw lil Barcelona li l-klijent tagħhom m’għandu l-ebda intenzjoni li jħalli l-Camp Nou minkejja li l-club laħaq ftehim ma’ Manchester United biex titħallas is-somma ta’ £72 miljun.
Il-player internazzjonali Olandiż ilu marbut b’mod qawwi ma’ trasferiment potenzjali mar-Red Devils mill-aħħar ta’ Mejju fejn qattgħu dawn l-aħħar sitt ġimgħat jippruvaw jiffirmaw lill-midfielder.
Il-kap eżekuttiv ta’ Manchester United Richard Arnold u d-direttur tal-football John Murtough kienu t-tnejn f’Barcelona aktar kmieni din il-ġimgħa iżda l-player għadu jwebbes rasu li ma jridx jitlaq lill-Katalani.
