Bħal-lum 10 ta’ Mejju tas-sena 1904, twieldet Frieda Belinfante f’Amstedam. Hi kien mużiċista, lesbjana u baqgħet magħrufa għar-reżistenza tagħha kontra n-Nażisti.
Waqt l-okkupazzjoni Ġermaniża, hi ngħaqdet mal-movimenti tar-reżistenza. Xogħolha kien li tbiddel dokumenti marbutin ma’ persuni li kienu qed jaħbu persuni min-Nażi u l-kollaboraturi tagħhom.
Flimkien ma’ Willem Arondeus hi għenet biex twettaq pjan, li kien suċċess, u dan kien jikkonsisti f’attakk fuq ir-reġistru tal-popolazzjoni f’Amsterdam. Dan l-attakk kien wassal biex inqerdu r-rekords tal-karta tal-identità. Minħabba dan, dokumenti mbagħbsin ma setgħux ikunu identifikati.
Kien hemm diversi persuni li ġew arrestati b’rabta ma’ dan l-attakk u nqatlu. Frieda rnexxielha tevadi dan billi libset ta’ raġel u ħarbet lejn l-Iżvizzera. Il-ħarba tagħha seħħet bl-għajnuna tar-reżistenza Franċiża. Hi rnexxielha tibqa’ ħielsa u għexet sa 90 sena.
