Luxol St Andrew’s u Ta’ Xbiex baqgħu jżommu l-ewwel post tal-klassifika tal-Enemed Futsal League meta rebħu l-konfronti rispettivi tagħhom.
Luxol għelbu l-isfida tal-Universita’ ta’ Malta 7-3.
Iċ-champions Maltin ma sabux l-affarijiet faċli u kien biss fl-aħħar minuti li aċċertaw ir-rebħa finali.
Victor Oliveira Dias kien il-protagonista għat-tim minn St Andrew’s wara li skorja erba’ gowls b’Jefferson Breno awtur ta’ doppjetta. Emil Raducu żied ieħor għat-tim immexxi minn Gabriel Dobre.
L-Universitarji kellhom lill-plejer-kowċ tagħhom Zvezdan Vukovic awtur ta’ doppjetta filwaqt li Steven Camilleri żamm lit-tim tiegħu fil-logħba.
Referees kienu Andrea Naudi u Danilo Francalanza.
Ta’ Xbiex Futsal baqgħu jżommu l-konsistenza wara li għelbu l-isfida ta’ GZR Birżebbuġa 8-4.
Giancarlo Sammut skorja tripletta għal Ta’ Xbiex bi Christian Wismayer, Juan Poveda, Liam Caruana u George Frendo li wkoll niżżlu isimhom fost l-iskorers.
It-tim min-naħa t’isfel ta’ Malta kellhom lil Denim Parnis u Armando Gjepali li skorjaw doppjetta kull wieħed.
Referees kienu Andrea Naudi u Stefania Bonnici.
F’logħba ta’ bilanċ assolut, Swieqi United Futsal LEC 07 u Marsaskala Futsal Legends spiċċaw fi draw ta’ 4-4.
Swieqi dejjem kienu minn fuq iżda l-Iskalin wettqu reazzjoni sa ma ħadu punt minn dan il-konfront.
Marcelo Alarcon, Rodrigo Rocha, Guillherme Fonseca u awtogowl ta’ Dale Valletta skorjaw għal Swieqi filwaqt li Marsaskala sabu x-xibka minn Jovica Milijic, Owen Duca, Amir Ashtiyani u Dale Valletta.
Referees kienu Marco La Rosa u Andrea Naudi.
Ħamrun SC Futsal NCMB kisbu t-tielet rebħa konsekuttiva wara li għelbu lis-selezzjoni Maltija ta’ taħt is-17-il sena 6-2.
Hamza Harrat skorja tripletta, Braham Garcia kien awtur ta’ doppjetta filwaqt li Amin Louati għaqqad l-iskor għat-tim Ħamruniż.
Iż-żgħażagħ Maltin skorjaw permezz ta’ Daniel Camilleri u awtogowl ta’ Sheldon Mercieca.
Referees kienu Clinton Cassar u Sillah Alhasana.
KLASSIFIKA – ENEMED FUTSAL LEAGUE
Luxol St Andrew’s, Ta’ Xbiex 15, Swieqi United, Marsaskala Legends 10, University of Malta, Ħamrun SC NCMB 9, Selezzjoni Maltija U19 6, Gżr Birżebbuġa St Peter’s Futsal 3, Selezzjoni Maltija U17 0
