Gareth Bale qal li Lionel Messi se jkollu inqas pressjoni biex jirbaħ fil-Major League Soccer għaliex il-clubs “jaċċettaw li “jitilfu ħafna aħjar” hemmhekk.”
Aktar kmieni dan ix-xahar, Messi ħabbar li beħsiebu jingħaqad mal-club tal-MLS, Inter Miami, wara t-tluq tiegħu minn Paris St-Germain, għalkemm il-ftehim għad irid jiġi finalizzat.
Ir-rebbieħ tat-Tazza tad-Dinja 2022 kien imsemmi ma’ ritorn fl-eks club ta’ Barcelona, iżda ddeċieda li jmur fl-Istati Uniti u qal li ried igawdi l-football tiegħu “b’mod aktar kalm.”
Il-Barca ħadu daqqa ta’ ħarta bid-deċiżjoni ta’ Messi billi ħareġ stqarrija li qal li għażel li “jikkompeti f’kampjonat b’inqas talbiet.”
Bale, li temm il-karriera tiegħu f’Los Angeles FC, qabel li Messi jgawdi ħajja aktar faċli fl-Istati Uniti mingħajr l-attenzjoni kontinwa biex jirbaħ kull ġimgħa.
“Hija sitwazzjoni ħafna aktar komda,” qal Bale. “Jekk titlef ma’ Real Madrid, qisu d-dinja spiċċat. Inti msallab. Tħossok demoralizzat. Tmur id-dar u m’intix kuntent.
“Huma jaċċettaw li jitilfu ftit aktar fl-MLS. M’hemm l-ebda konsegwenza. Ma tistax tiġi relegat hemmhekk. Meta titlef logħba tmur għal dik li jmiss. Jaċċettaw li jitilfu ħafna aħjar hemmhekk.
“Jafu jitilfu iżda jiċċelebraw kull rebħa bħal li kieku rbaħt il-kampjonat. Żgur li se jgawdiha.”
Is-sena l-oħra qabel ħabbar l-irtirar tiegħu, Bale ngħaqad ma’ Los Angeles FC bi ftehim ta’ 12-il xahar u għenhom jiksbu l-ewwel trofew maġġuri tagħhom billi għelbu lil Philadelphia Union bil-penalties fil-finali tat-Tazza MLS.
Aktar kmieni l-ġimgħa l-oħra, is-sid ta’ Inter Miami, Jorge Mas, qal lill-ġurnalisti li l-club qed jippjana li Messi jagħmel id-debutt tiegħu fil-21 ta’ Lulju f’logħba tal-Leagues Cup kontra Cruz Azul ta’ Liga MX.
