Il-plejer ta’ nofs il-grawnd ta’ Shaktar Donetsk Georgiy Sudakov qed jattira interess minn diversi klabbs Ewropej fosthom Tottenham Hotspur u Liverpool. Il-klabb mill-Ukrajna hu miftuħ għal kull offerta speċjalment matul ix-xahar id-dieħel meta jibda s-s-suq ta’ Jannar.
Sudakov għandu 22 sena u skorja 23 gowl f’87 partita kemm ilu li ngħaqad mat-tim minn Donetsk fl-2020. Hu lagħab ukoll mat-tim nazzjonali tal-Ukrajna għal 26 darba filwaqt li skorja tliet gowls.
