Tifel Ġermaniż ta’ 14-il sena jinsab fil-periklu tal-mewt wara li lbieraħ għall-ħabta tal-4.45pm ntlaqat minn Dacia Logan li kienet qed tinstaq minn raġel ta’ 59 sena residenti r-Rabat.
Il-Pulizija fi stqarrija qalu li huma ġew informati b’dan l-inċident tat-traffiku li kien seħħ fi Triq Sant’ Andrija, is-Swieqi.
Huwa ngħata l-għajnuna minn tim mediku u ttieħed l-Isptar Mater Dei b’ambulanza, fejn ġie ċċertifikat li jinsab fil-periklu tal-mewt.
Il-Maġistrat Dr Joe Mifsud LL.D ġie infurmat bil-każ u ħatar inkjesta. L-investigazzjonijiet tal-Pulizija għadhom għaddejjin.
