Il-coach tal-Ingilterra, Thomas Tuchel, qal li jkun lest jagħżel players ta’ Manchester City anke jekk il-club jiġi relegat mill-Premier League.
Is-City jinsabu f’riskju ta’ relegazzjoni jew tkeċċija mill-ogħla diviżjoni wara li nstabu ħatja ta’ aktar minn 100 ksur tar-regolamenti tal-Premier League, għalkemm il-club appella kontra l-verdett.
Għal dan il-perjodu internazzjonali, Tuchel sejjaħ lil Marc Guehi, Elliot Anderson u Nico O’Reilly, iżda O’Reilly irritorna ma’ City minħabba injury.
Tuchel qal li dejjem jipprova jagħżel l-aqwa team disponibbli u mhux se jeskludi player sempliċement għax il-club tiegħu ma jkunx qed jilgħab fl-ogħla diviżjoni.
Il-coach ammetta wkoll li l-każ tas-City huwa suġġett kbir fost il-players fil-kamp tal-Ingilterra. Huwa qal li l-players tas-City tkellmu dwar il-kwistjoni, iżda sostna li Guehi u Anderson jinsabu lesti biex jilagħbu kontra l-Kroazja.
Guehi mistenni jibda, filwaqt li Ezri Konsa jista’ jingħaqad miegħu fid-difiża wara li rkupra minn problema fiżika.
