Għawm Dinji: Malik jirbaħ it-tieni deheb filwaqt li Ledecky tirreġistra r-raba’ waħda personali

Id-19-il edizzjoni tal-Kam­pjonati tad-Dinja tal-Għawm, li qed isiru fid-Duna Arena ta’ Budapest, raw lill-Ungeriż Kristof Malik jirbaħ it-tieni midalja tad-deheb waqt li l-Amerikana Katie Ledecky għamlithom erba’ tad-deheb, tlie­ta personali flimkien ma’ oħra fir-relay.

50m FREESTYLE RĠIEL

Ben Proud kien tassew għawwiem kburi meta l-bie­raħ ta l-ewwel midalja tad-deheb lill-Britannja meta rebaħ il-50m butterfly fil-ħin ta’ 21.32 sekondi, waqt li l-Amerikan Michael Andrew ħa l-midalja tal-fidda f’21.41 u l-midalja tal-bronż marret għand il-Franċiż Maxime Grousset f’21.57.

100m BUTTERFLY IRĠIEL

Kristof Malik ukoll kien għawwiem kburi meta rebaħ it-tieni tellieqa tiegħu tal-butterfly din id-darba dik tal-100m wara li aktar qabel kien rebaħ il-200m.

Malik ħareġ rebbieħ fil-ħin ta’ 50.14 sekondi, bil-midalja tal-fidda tmur għand il-Ġappuniż, Naoki Mizunumo f’50.94 u l-bronż ħad­ha Joshua Liendo tal-Kanada f’50.97.

50m BUTTERFLY NISA

L-Isvediża Sarah Sjostrom pattiet għad-diżappunt li tilfet il-100m freestyle meta rebħet il-50m butterfly fil-ħin ta’ 24.95 sekondi bil-midalja tal-fidda tirbaħha l-Franċiża Melanie Henrique f’25.31 u l-bronż marret għand iċ-Ċiniża Zhang Yufei f’25.32.

800m FREESTYLE NISA

Katie Ledecky ma tistax tieqaf tirbaħ il-midalji meta l-bieraħ rebħet ir-raba’ waħda tad-deheb meta spiċċat l-ewwel fil-ħin komdu ta’ 8:08.04 biex rebħet it-800m.

Il-midalja tal-fidda marret għand Kiah Melverton tal-Awstralja li daħlet fil-ħin ta’ 8:18.77 waqt li t-Taljana Simona Quadarella spiċċat t-tielet biex ħadet il-bronż fi 8:19.00.

200m BACKSTROKE NISA

L-Awstraljana Kaylie McKeown tat midalja oħra tad-deheb lill-pajjiżha meta rebħet il-200m backstroke fil-ħin ta’ 2:05.08 f’taqtiegħa mill-aktar ħarxa mal-Amerikana Phoebe Bacon li spiċ­ċat f’2:05.12 waqt li Rhyan White tal-Istati Uniti wkoll ħadet il-bronż fi 2:06.96.

4x100m FREESTYLE  RELAY NISA

Fl-aħħar tellieqa tal-ġurnata kienu l-Awstralja li ttrijonfaw fl-4x100m freestyle relay biex rebħu midalja oħra tad-deheb meta spiċċaw fil-ħin rebbieħ ta’ 3:30.95 minuti.

Il-midalja tal-fidda marret għand il-Kanada fi 3:32.15 u l-bronż rebħuha l-Amerikani fi 3:23.58.