Dan seta’ kien każ ta’ qtil tal-massa, iżda raġel wieħed kellu l-preżenza tal-moħħ li jikkonvinċi aggressur terroristiku biex jabbanduna l-pjan tiegħu.
Nathan Newby ħareġ mill-isptar biex ipejjep il-vape u għal ftit arja friska, madankollu, spiċċa jikkalma attakkant ta’ bomba suwiċida peresli kellu qalbu tajba
Ir-“raġel straordinarju u ordinarju”, kif sejjaħlu mħallef, illum qed jiġi onorat b’Midalja George, it-tieni l-ogħla premju ċivili fir-Renju Unit għall-kuraġġ.
Is-Sur Newby ra lil Mohammad Farooq jidher imdejjaq u aġitat barra l-Isptar ta’ St. James f’Leeds fl-20 ta’ Jannar 2023.
Kellu l-intenzjoni li jwettaq qtil tal-massa fid-daħla tal-ġwienaħ tal-maternità, joqtol infermiera u potenzjalment pazjenti wkoll.
“[Hu] deher li forsi ried jitkellem ma’ xi ħadd jew kellu xi aħbar ħażina, allura mort u staqsejtu kif kien. U minn hemm kompliet kollox,” spjega s-Sur Newby.
Farooq, infermier apprendist fl-isptar, kellu bomba msajra taħt pressjoni mimlija b’10kg porvli f’kontenitur u ttama li joqtol l-infermiera billi jħajjarhom ‘il barra b’theddida ta’ bomba.
Is-Sur Newby, ta’ 35 sena, beda jkellem lil Farooq hekk kif deher aġitat u inizjalment ħaseb li seta’ kien imdejjaq dwar qarib marid.
Il-pazjent kien qed jirċievi l-kura fl-isptar waqt li kien għadu b’linja IV f’dirgħajh. Huwa nnota wkoll borża suspettuża ftit ’il bogħod.
Fil-ġuri tiegħu aktar tard sema’ li Farooq kien terrorist solitarju, ispirat mill-Istat Iżlamiku, u kien għażel il-mira tiegħu minħabba lment mal-infermiera fis-sala tiegħu.
Imħasseb dwar għaliex il-basket kienet waħedha, Newby staqsa lil Farooq b’mod ċar x’kien hemm ġewwa. Wara pawża, Farooq qal li kien hemm bomba fil-basket.
Huwa qal “Bqajt miegħu, nipprova nneħħilu moħħu minn dak li ried jagħmel, insir nafhu , nara jekk nistax nibdel fehmtu.”
Biex jilgħab mall-ħin, ipprova jifforma rabta mal-attakkant u b’hekk it-tnejn li huma setgħu jiftħu qalbhom ma’ xulxin. Newby imbagħad uża strateġija biex iġiegħel lill-attakkant iħossu aħjar milli kien billi għamel lilu nnifsu jidher li kien qed ibati aktar mill-attakant.
Imma Newby kien jaf li bl-iċken mossa ħażina, il-burdata ta’ Farooq setgħet tinbidel malajr.
Il-pazjent irnexxielu jġiegħel lil Farooq iħalli l-basket ħdejn bank waqt li t-tnejn li huma qagħdu bilqiegħda ‘l bogħod biex jitkellmu ma’ xulxin.
Il-ħin li Newby ħa biex jgħin lil Farooq dam madwar sitt sigħat, inkluż tentattiv fallut biex javża gwardjan tas-sigurtà fil-qrib waqt li waqaf biex ipejjep.
Is-sitwazzjoni mbagħad ħadet żvolta mhux mistennija.
“Huwa talabni nqum bilwieqfa u nagħtih tgħanniqa” spjega s-Sur Newby, u hu semgħu u għannqu. Farooq imbagħad talab lil Newby biex iċempel lill-pulizija, saħansitra offra t-telefon tiegħu wara li ra li l-mowbajl ta’ Newby ma kellux batterija.
Il-pulizija eventwalment wasslu l-isptar, poġġew lil Newby f’vann għas-sigurtà u arrestaw lil Farooq wara l-konfront ta’ sitt sigħat.
Farooq instab ħati s-sena l-oħra u ngħata sentenza minima ta’ 37 sena ħabs.