Il-midfielder internazzjonali Taljan Giacomo Raspadori ġedded il-kuntratt ma’ Napoli għall-ħames snin li ġejjin. L-eks plejer ta’ Sassuolo ffirma kuntratt sas-sena 2028 u sostna li qatt ma kellu dubju li se jasal biex jagħmel dan kollu mal-Partenopei, tim veru għal qalbu.
Raspadori sostna li jiftakar ċar wieħed mill-isbaħ mumenti fil-karriera tiegħu fl-istaġun li għadda hekk kif ta t-tliet punti tant importanti fit-tiġrija għat-titlu bil-gowl uniku li skorja kontra Juventus fl-Allianz Stadium.
Raspadori għandu 23 sena u fl-istaġun li għadda kien b’self mal-Partenopei fejn lagħab 25 logħba u skorja żewġ gowls.
