L-Erbgħa, waqt il-Kampjonat Ewropew tas-Snooker tat-timijiet tal-irġiel li qed isir f’Golem, l-Albanija, it-tliet timijiet rebħu l-erba’ logħbiet li kienu nvoluti fihom fl-ewwel jum ta’ din il-kompetizzjoni.
Malta 1 kompost minn Aaron Busuttil u Chris Peplow rebħu, 3-0, kontra Albanija 3 (Albi Rama – Besjan Sinanaj) biex fl-aħħar jum tal-logħob gruppi jonqoshom jilgħabu tliet darbiet, kontra Polonja 3, Ungerija u Bulgarija 2.
Malta 2 iffurmat minn Alex Borg u Joseph Casha lagħbu logħba waħda biss li rebħu kontra Bulgarija 1 (Viktor Iliev – Bratislav Krastev), 3-1. Fit-tieni jum, biex jgħalqu l-ewwel fażi, jilgħabu kontra Albanjia 1 u Wales.
Malta 3 ta’ Philip Ciantar u Isaac Borg rebħu ż-żewġ konfronti tagħhom biex ikkwalifikaw għal fażi tan-knock-out. Huma l-ewwel għelbu, 3-1, lil Albanija 2 (Diego Minxalli – Ronald Xoxi) u aktar tard rebħu, 3-0, kontra Portugall (Diogo Badalo – Jorge Paixão). L-aħħar logħba tagħhom f’din il-fażi tkun għal min ser jirbaħ Grupp A u l-avversarji tagħhom issa ser ikunu l-Ukraina.
Sadanittant, Aaron Busuttil irnexxielu jasal sas-semi finali tal-kompetizzjoni tas-6 Reds pero’ ġie eliminat mill-Ingliż, Craig Steadman.
Intant fit-tieni u l-aħħar jum ta’ logħob tal-gruppi l-logħbiet għat-timijiet Maltin huma dawn:
| 10:00 | Group B | Malta 1 | vs | Polonja 3 (Paweł Rogoza – Bartosz Utkowski) |
| 10:00 | Group E | Malta 2 | vs | Albanjia 1 (Besar Spahiu – Dorjan Maknori) |
| 10:00 | Group A | Malta 3 | vs | Ukraina (Anton Kazakov – Mykhailo Larkov) |
| 13:30 | Group B | Malta 1 | vs | Ungerija (Erik Nagy – Attila Horváth) |
| 16:00 | Group B | Malta 1 | vs | Bulgarija 2 (Velian Dimitrov – Jan Laushman) |
| 16:00 | Group E | Malta 2 | vs | Wales (Alfie Davies – Riley Powell) |