Grupp ta’ 63 immigrant salvati minn fuq id-dgħajsa li kienet fiż-Żona ta’ Tiftix u Salvataġġ se jkunu qed jiddaħħlu Malta. Dan kien ikkonfermat lilna mill-Forzi Armati ta’ Malta.
L-immigranti ġew salvati wara li lbieraħ għamlu kuntatt mal-NGO Alarm Phone. L-NGO umanitarja qalet li tentattivi min-naħa tagħha biex tavża lil awtoritajiet Taljani u Maltin dwar id-dgħajsa bl-immigranti ma wasslu għall-ebda rispons.
Żiedet tgħid li l-immigranti kienu għamlu kuntatt magħha wara li l-magna tad-dgħajsa kienet waqfet taħdem. L-immigranti reġgħu għamlu kuntatt ma’ Alarm Phone wara li d-dgħajsa bdiet timtela bl-ilma, u l-kundizzjonijiet tal-baħar bdew jiggravaw.
Mothers, brothers, sisters & friends of the people in distress call us worried, asking us why #Malta and #Italy refuse to rescue their loved ones. They show us the #UNHCR cards of the people in distress & ask us 'where are their human rights'? #Europe, what shall we answer?
— Alarm Phone (@alarm_phone) July 16, 2020
