Organizzazzjoni umanitarja tesiġi li pajjiżna jilqa’ 150 immigrant
++ Attack on migrants at sea? ++
— Alarm Phone (@alarm_phone) April 9, 2020
The ~70 people in distress near #Malta called us moments ago & said: “We have an emergency here. Malta military came and cut cable of motor. Water is in the boat. Malta military said ‘I leave you to die in the water. Nobody will come to Malta.’” pic.twitter.com/ds0OGPh7Ob
L-organizzazzjoni umanitarja Alarm Phone qiegħda tesiġi li 150 immigrant li fl-aħħar sigħat ħarbu mil-Libja abbord żewġ dgħajjes għandhom jiddaħħlu pajjiżna.
L-organizzazzjoni qed tgħid li fuq id-dgħajes hemm 85 persuna u 70 persuna u li fl-aħħar sigħat kienu qed jikkuntattjawhom għall-għajnuna. Skonthom fl-aħħar sejħa li għamlu ftit tal-ħin ilu qalu; “Għinuna! Se mmutu. Se nispiċċaw fil-baħar. Se mmutu fl-ibħra Maltin. Ilna ħamest ijiem fuq il-baħar u issa anke ilma baħar fid-dgħajsa għandna”.
Skont l-organizzazzjoni, grupp ta’ 70 immigrant allegaw li l-Forzi tal-Militar ta’ Malta qalu li dawn l-immigranti mhux se jiġu aċċettati u li ħadd mhu se jitħalla jidħol pajjiżna.
Intant l-organizzazzjoni qed issostni li ma jistax ikun li dawn il-persuni jitħallew jisparixxu bħall-91 persuna li għebu xahrejn ilu ftit ’il barra mil-Libja. Sostniet li l-pandemija tal-Covid-19 mhix skuża biex jiġu rrifjutati dawn il-persuni.