Meta kien qed jitkellem f’intervista ma’ ġurnal influwenti Ingliż, il-kowċ preżenti ta’ Manchester City Pep Guardiola faħħar il-kwalitajiet tal-kowċ ta’ Brighton, Roberto de Zerbi.
Guardiola qal li ġaladarba jispiċċa hu mill-Etihad Stadium, jistgħu jmorru trankwillament għalih minħabba li jqisu kowċ li għandu sens tajjeb ta’ tmexxija ta’ tim tal-futbol. Hu faħħar ukoll dak li qed jagħmel ma’ Brighton u bassar li se jkun hu li jmexxi lil The Citizens fil-futur.
Guardiola jiskadilu l-kuntratt ma’ Manchester City fis-sena 2025.
