Pep Guardiola wkoll sellem il-memorja tal-eks kowċ tiegħu ma’ Brescia Carlo Mazzone li miet ilbieraħ fl-eta’ ta’ 86 sena, Mazzone kien jikkowċja lil Guardiola fil-bidu tas-snin elfejn meta kien ma’ Brescia u fejn miegħu kellu wkoll lil Roberto Baggio.
Eżatt wara r-rebħa li kellhom Manchester City kontra Newcastle, Guardiola deher liebes flokk bl-istampa ta’ Mazzone. Hu qal li kien hu li tah motivazzjoni kbira bħala plejer u fuq kollox li għenu jikber anke fil-karattru.
Guardiola baqa’ fil-kuntatt se ma’ Mazzone tant li kien hu stess li stiednu waqt il-finali tas-sena 2009 tal-UEFA Champions League li saret f’Ruma. Dakinhar bħala kowċ kien għen lil Barcellona jiksbu dan it-trofew, l-ewwel wieħed għalih bħala manager.
Guardiola temm jgħid li mhux se jinsa qatt dak li għamel Mazzone għalih.
