Valletta …….. 1
Gudja Utd …..3
Gudja United kisbu t-tielet rebħa konsekuttiva meta għelbu lil Valletta bl-iskor ta’ 3-1 biex komplew jitbegħdu miż-żona tar-relegazzjoni.
Min-naħa l-oħra Valletta komplew jiddiżappuntaw hekk kif issa ilhom ma jirbħu sitt partiti u f’din il-logħba kienu ineżistenti għal bosta ħinijiet.
Gudja kellhom bidu mill- aqwa meta wara sitt minuti fetħu l-iskor meta AHINGA BIENVENU SELEMANI avvanza mal-linja fuq il-lemin, ġibed lejn il-kaxxa, qabeż żewġ difensuri u għeleb lill- goalkeeper Yenz Cini b’xutt għar-rokna fuq l-ewwel lasta.
Ir-reazzjoni Beltija ma waslitx u Aidan Jake Friggieri darbtejn resaq viċin għal Gudja, fis-17-il minuta b’xutt minn barra l-kaxxa u tliet minuti wara bi free-kick li għadda ftit barra.
Fit-22 minuta, Gudja rduppjaw meta Jean Borg u Tensior Gusman ta’ Gudja daħlu f’xulxin fi tliet kwarti ta’ ground u daħal tajjeb MATIAS MUCHARDI li avvanza u daħal fil-kaxxa qabel għeleb lil Cini b’xutt fil-baxx.
Fit-tieni taqsima, Valletta ppruvaw joħorġu aktar mill-qoxra difensiva tagħhom u fis-47 minuta, cross ta’ Caio Prado ġie mblukkat minn Glenn Zammit u seba’ minuti wara, cross-shot ta’ Mario Fontanella ġie salvat mill-goalkeeper ta’ Gudja biex fil-65 minuta, dan reġa’ salva tajjeb fuq cross ta’ Sansone.
Fis-67 minuta, Valletta reġgħu daħlu fil-logħba meta Fontanella għadda ballun tajjeb lejn IVAN CURJURIC li għeleb lil Zammit b’ xutt fil-baxx minn tarf il-kaxxa.
Goal li mela lill-Beltin bil-kuraġġ iżda fl-74 minuta, Valletta spiċċaw jilagħbu b’10 players hekk kif Jean Borg irċieva t-tieni karta safra eżatt wara li kien għadu kif kellu goal imħassar.
Madankollu fil-91 minuta, f’kontrattakk veloċi, il-Gudjani aċċertaw mit-tliet punti meta minn cross ta’ Nika Dzalmidze, AHINGA BIENVENU SELEMANI għeleb lil Cini mill-viċin biex irreġistra wkoll doppjetta.
VALLETTA: 1-Yenz Cini, 4-Jean Borg, 5-Ryan Camilleri, 9-Haris Dilaver (19-Promise Olawobi Emmanuel David 80), 10-Shaun Dimech (Triston Caruana 46), 11-Michele Sansone, 18-Enmy Pena Beltre, 20-Ivan Curjuric, 66-Eslit Sala, 77-Caio Prado (17-Andrea Zammit 70), 89-Mario Fontanella – Coach: Antonio Jose Cardoso Mendes
GUDJA U.: 1-Glenn Zammit, 5-Roberto Matias Muchardi, 13-James Arthur, 7-Aidan Jake Friggieri (20-Nika Dzalamidze 84), 9-Tensior Gusman (24-Farid Romero Zuniga 71), 17-Gabriel Mensah (3-Tatsuro Nagamatsu 89), 19-Ahinga Bienvenu Selemani, 22-Hubert Vella, 23-Neil Tabone, 25-Juan Bolanos Ramires, 81-Neil Anthony Micallef – Coach: Thane Micallef
REFEREE: Philip Farrugia
ASS. REFEREES: Roberto Vella, Kurt Saliba
RABA’ UFF: Alex Johnson
SKORERS: A. Selemani 6, 91, M. Muchardi 22 (GU); I. Curjuric 67 (V)
AMMONITI: J. Borg, I. Curjuric, E. Sala, M. Sansone (V); G. Mensah (GU)
