Raġel ta’ 44 sena residenti Birkirkara kellu jiddaħħal l-Isptar Mater Dei wara li għall-ħabta tat-8.30am inqabad bejn lifter u trakk.
Il-Pulizija fi stqarrija qalu li l-inċident seħħ fi Triq Clarens, il-Pietà.
Jidher li huwa nqabad bejniethom meta allegatament kien qed jirranġa l-lifter.
Fuq il-post issejjaħ tim mediku u ambulanza ħadet lir-raġel l-isptar, fejn ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
