Gzira U……………1
Hamrun S……….2
F’partita mill-isbaħ, Hamruns Spartans dawru telfa f’rebħa ta’ 2-1 kontra Gzira United.
Kienu Gzira li ħolqu l-ewwel periklu fis-sitt minuta meta freekick insidjuż tad-difensur Barziljan Gabriel Bohrer Mentz ġie salvat parzjalment mill-goalkeeper tal-Ispartans, Henry Bonello, biex mir-rebound Ricardo Correa Duarte kellu d-daqqa ta’ ras tiegħu minn taħt il-lasta salvata b’diffikultá mill-istess Bonello li f’din il-partita kien qed jirritorna jiddefendi l-lasti Ħamruniżi.
Huma komplew jiddettaw il-logħob u mal-kwarta logħob, Toni Kolega kellu xutt fil-baxxa minn ġol-kaxxa salvat minn Bonello.
Kulma jmur kompla d-dominju assolut tal-Maroons u ta’ dan ġew ippremjati meta fis-26 minuta fetħu l-iskor meta wara li rċieva minn azzjoni ta’ corner mogħti minn Toni Kolega, LUKE TABONE, kien fil-post it-tajjeb fil-mument opportun u b’xamma kbira għall-goal b’daqqa ta’ ras preċiża tefa’ ġewwa.
Ħames minuti wara Gzira resqu viċin li jirduppjaw l-iskor meta Maxuell Maia minn pożizzjoni ideali ħareġ l-aħjar ta’ Bonello li salva bi bravura.
Iżda Hamrun ġabu l-iskor indaqs fit-33 minuta meta wara taħwida fil-kaxxa, pront kien ELVIS MASHIKE SUKISA li mill-viċin tefa’ l-ballun f’lasta vojta.
L-Ispartans kienu għoddhom għajtu l-għajta tal-goal għat-tieni darba fi spazju ta ‘ erba’ minuti meta l-awtur tal-ewwel goal Elvis Mashika Sukisa għadda tajjeb lejn Matthew Guallaumier li kellu x-xutt mill-ewwel tiegħu kważi minn tarf il-kaxxa jistampa mal-mimduda.
Fil-ftuħ tat-tieni taqsima, Hamrun komplew bl-istess ritmu li kienu għaddejjin bih lejn tmiem l-ewwel waħda meta fit-53 minuta Elvis Mashike Sukisa kellu xutt minn pożizzjoni ideali li għadda ftit barra.
Huma komplew fuq l-offensiva u fit-68 minuta Ederson Bruno Domingos minn taħt il-lasta ra lill-goalkeeper Kroat ta’ Gzira, Darijan Zarkov, idawwar f’corner b’mod spettakolari biex salva goal ċert.
Hamrun skorjaw il-goal tar-rebħa fil-81 minuta meta l-Kroat Roko Prsa qabeż player avversarju, għadda tajjeb lejn l-iskorer prolifiku internazzjonali Malti LUKE MONTEBELLO li permezz ta’ xutt fil-baxx minn ġol-kaxxa tefa’ wara Zarkov.
Gzira U.: 30-Darijan Zarkov, 3-Gabriel Bohrer Mentz, 5-Luke Tabone (47-Brooklyn Borg 89), 6-Nikolai Muscat, 8-Zachary Scerri (4-Andrew Borg 89), 9-Marcelo Dias, 22-Toni Kolega, 23-Ricardo Correa Duarte (7-Steve Pisani 68), 44-Marko Cosic, 91-Maxuell Maia, 94-Jefferson De Assis Coach: Darren Abdilla
Hamrun S.: 1-Henry Bonello, 3-Ederson Bruno Domingos (7-Luke Montebello 76), 4-Steve Borg, 6-Matthew Guillaumier, 9-Elvis Mashike Sukisa, 10-Jorge Ailton Soares (63-Jonny 77), 12-Roko Prsa, 27-Ognjen Bjelicic, 28-Juan Carlos Corbalan, 91-Emerson Marcelina, 94-Ryan Camenzuli (17-Vinicius Ribeiro De Freitas 73) Coach: Branko Nisevic
Referee: Slobodan Petrovic
Ass. Referees:Jurgen Spiteri, James Muscat
Raba’ Uffiċjal: Philip Farrugia
Skorers: L. Tabone 26 (G), E. Mashike Sukisa 33, L. Montebello 81 (H)
Ammoniti: N. Muscat, Z. Scerri (G)
Player tal-Logħba: Elvis Mashike Sukisa (H)