Hamrun S. …..1
Floriana …..…1
Minn Cristian Muscat
Minkejja b’inferjoritá numerika għal aktar minn nofs siegħa, Floriana rnexxielhom iżommu liċ-champions Hamrun Spartans fi draw ta’ 1-1 li ddiżappuntaw speċjalment meta kienu bi player aktar.
Floriana għamlu l-intenzjonijiet tagħhom ċari mal-ftuħ tal-partita u wara biss tliet minuti fetħu l-iskor meta Mattia Veselji għadda tajjeb lejn Jake Grech li b’daqqa ta’ takkuna ppreżenta l-ballun lil DUNSTAN VELLA li pplejsja l-ballun fir-rokna tax-xibka.
Fil-11-il minuta l-Ispartans kellhom goal imħassar meta Sven Xerri xeħet fix-xibka iżda r-referee, Alex Johnson, innota foul fuq il-goalkeeper Christoffer Mafoumbi, qabel l-eżekuzzjoni tal-player Ħamruniż.
Huma komplew fuq l-offensiva u żewġ minuti biss wara Talison kellu l-konklużjoni tintemm ftit barra.
Fit-23 minuta, Hamrun ingħataw penalty meta Mafoumbi għamel kuntatt minimu ma’ Joseph Mbong f’pożizzjoni angolata.
Mill-11-il metru, LUKE MONTEBELLO xeħet lill- goalkeeper Furjaniż fuq in-naħa opposta u l-ballun fir-rokna tax-xibka.
Il-Greens irrispondew man-nofs siegħa logħob meta Fernandinho kellu x-xutt tiegħu minn pożizzjoni ideali jiġi mdawwar f’corner minn Henry Bonello, li deher li weġġa’ xi ftit f’din l-azzjoni.
Fil-ftuħ tat-tieni taqsima, Hamrun ħarġu aktar avventurużi u fis-47 minuta Raphael Lopes Silva kellu konklużjoni mid-distanza kemmxejn fraġli tintemm ftit barra.
Fl-54 minuta, Floriana qalgħu daqqa ta’ ħarta meta spiċċaw jilagħbu b’10 players wara li tkeċċa Mattia Veselji meta ntwera t-tieni karta safra.
Fl-74 minuta, Hamrun Spartans reġgħu ħolqu l- periklu iżda Ryan Camenzuli għolla l-mira.
Fid-90 minuta, Hamrun, tilfu ċans tad-deheb meta Joseph Mbong għadda lejn Roko Prsa li xeħet barra.
HAMRUN S.: 1-Henry Bonello, 5-Sven Xerri, 7-Luke Montebello, 8-Lui Talison Barbosa (28-Juan Carlos Corbalan 72), 10-Joseph Essien Mbong, 12-Roko Prsa, 14-Elionay Freitas Da Silva (25-Ederson Bruno Domingos 46), 17-Wendel Barros Da Silva (19-Vitor Leite Da Silva 82), 33-Mayron, 94-Ryan Camenzuli, 99-Raphael Lopes – Coach: Alessandro Zinnari
FLORIANA: 45-Christoffer Mafoumbi, 4-Oulaid El Hasni, 7-Mattia Veselji, 8-Jake Grech, 11-Thiaguinho (77-Aleandro Garzia 59), 12-Dunstan Vella, 20-Matias Nicolas Garcia, 21-Carlo Zammit Lonardelli, 27-Franklin Sasere, 55-Alexandros Kouro, 70-Fernandinho – Coach: Darren Abdilla
REFEREE: Alex Johsnon
ASS. REFEREES: Mitchell Scerri, James Muscat
RABA’ UFF: Slobodan Petrovic
SKORERS: D. Vella 3 (F), L. Montebello 24 pen. (HS)
AMMONITI: O. El Hasni, C. Mafoumbi, M. Veselji, Fernandinho, D. Vella (F), Talison, J. E. Mbong (HS)
TKEĊĊA: M. Veselji 54 (F)
