Hamrun Spartans ħabbru l-firma tal-goalkeeper Taljan Federico Marchetti.
L-akkwist ta’ Marchetti huwa ċertament dikjarazzjoni oħra mill-Ispartans biex javviċinaw il-partita li jmiss tal-UEFA Champions League kontra t-tim Iżraelit Maccabi Haifa bl-iktar skwadra b’saħħitha possibbli, partikolarment wara l-injury tal-goalkeeper internazzjonali Malti, Henry Bonello.
Dan l-eks goalkeeper ta’ Lazio li wkoll lagħab mal-Biancoceleste mal-coach attwali tal-Isparatns, Luciano Zauri, iġib miegħu snin ta’ esperjenza jilgħab fis-Serie A Taljana u mat-tim nazzjonali Taljan.
Fil-fatt, il-player ta’ 40 sena lagħab ma’ diversi klabbs tas-Serie, li kienu jinkludu wkoll lil Genoa, Torino u Spezia.
Huwa mistenni jiddebutta matul il-ġimgħa d-dieħla fil-konfront delikat mill-ewwel round ta’ kwalifikazzjoni għall-UEFA Champions League kontra Maccabi Haifa.
