Sliema Wanderers ….0
Hamrun Spartans …..0
Hamrun Spartans tilfu żewġ punti prezzjużi meta sfaw miżmuma fi draw ta’ mingħajr goals minn Sliema Wanderers … u dan meta dawn tal-aħħar lagħbu għal madwar nofsiegħa sħiħa bi player inqas.
Din kienet it-tieni darba li Hamrun sfaw miżuma mill-Wanderers, hekk kif fl-ewwel round, il-konfront ta’ bejn dawn iż-żewġ timijiet kien intemm fi draw ta’ 1-1.
B’hekk ġiet fi tmiemha sensiela ta’ tmien rebħiet konsekuttivi tal-Ispartans … kif ukoll din kienet l-ewwel darba li naqsu li jsibu x-xibka avversarja.
Kienu Hamrun li ħolqu l-ewwel periklu fid-19-il minuta meta Uros Duranovic minn pożizzjoni angolata sab lill-goalkeeper tal-Wandesrs, Rashed Al Tumi, attent. Sliema wieġbu fl-20 minuta meta Freire kellu xutt ċentrali salvat tajjeb mill-goalkeeper tal-Ispartans, Henry Bonello.
Fil-ftuħ tat-tieni taqsima, Hamrun ħarġu tajjeb u fil-55 minuta, free-kick ta’ Roko Prsa għadda għoli.
Erba’ minuti biss wara, Uros Duranovic, ħoloq il-periklu fid-difiża tal-Wanderers li iżda finalment biegħdet kull periklu. Fit-63 minuta, Luke Montebello għall-Ispartans kellu xutt mid-distanza salvat mingħajr diffikultá minn Al Tumi.
Minuta biss wara, Sliema qalgħu daqqa ta’ ħarta meta sfaw jilagħbu b’10 players meta tkeċċa Jospeh Marie Minala, wara li rċieva t-tieni karta safra.
Il-pressjoni kienet kollha fuq Hamrun li tefgħu kollox fuq l-attakk u fid-90 minuta kienu sfortunati li ma skorjawx il-goal tar-rebħa meta xutt ta’ Ryan Camenzuli heżheż il-wieqfa, bil-Wanderers jeħilsuha ħafif.
Wieħed stenna li Hamrun ikomplu jippressaw iżda ma kienx fadal ħin biex setgħu jieħdu t-tliet punti.
SLIEMA W.: 22-Rashed Al Tumi, 2-Jean Borg, 6-Joseph Marie Minala, 9-Vito Plut (19-Daniil Kondrakov 80), 10-Samuel Gomes De Mata (18-Edmond Agius 83), 11-Myles Beerman, 13-James Arthur (21-Neil Frendo 93), 15-Gustavo Alcino, 20-Christ Kouao, 31-Henrique Freire, 33-Geoffrey Edwin Acheampong – Coach: Paul Zammit
HAMRUN S.: 1-Henry Bonello, 4-Steve Borg, 7-Luke Montebello, 12-Roko Prsa, 14-Elionay Freitas da Silva, 23-Uros Duranovic, 25-Ederson Bruno Domingos (10-Joseph Essien Mbong 70’), 28-Juan Carlos Corbalan (17-Yulian Nenov 84), 91-Emerson Marcelina, 94-Ryan Camenzuli, 98-Jonny (30-Seth Paintsil 70) – Coach: Luciano Zauri
REFEREE: Ishmael Barbara
ASS. REFEREES: Duncan Spencer, Mark Ciantar
RABA’ UFF: Philip Farrugia
SKORERS: Ħadd
AMMONITI: J. M. Minala (2), J. Arthur (SW), E. Bruno Domingos, E. Marcelina (HS)
TKEĊĊA: J. Minala 64 (SW)
