Wara t-tkeċċija ta’ Hansi Flick minn kowċ tal-Ġermanja, tkellem id-direttur tekniku Rudi Voller. Dan tal-aħħar qal li mhux żmien daqshekk sabiħ la għalih u lanqas għall-Federazzjoni Ġermaniża li ppruvat tibni proġett li madankollu ma rnexxiex. Il-Ġermanja tilfu kontra l-Ġappun bl-iskor ta’ 4-1 f’partita ta’ ħbiberija li l-ġurnali tal-pajjiż laqqmuha bħala falliment totali.
Voller qal li beda jinnota lil Flickr jgħejja psikoloġikament apparti li beda jħoss il-pressjoni fuqu. Hu ammetta li l-proġett kien falliment sħiħ speċjalment wara li l-Ġermanja għadha ġejja minn edizzjoni tat-Tazza tad-Dinja fejn inqalgħu mill-fażi tal-gruppi.
