Harding jissiġilla staġun tas-Sprint Triathlon impekkabli … u jirbaħ l-ewwel titlu nazzjonali tiegħu

Birkirkara St. Joseph Sports Club ospita l-aħħar tellieqa tas-serja Go & Fun BSJ Sprint Triathlon ġewwa s-Salina nhar il-Ħadd.

Ir-raba ’tellieqa kienet ukoll magħżula bħala l-Kampjonati Nazzjonali Sprint Triathlon, taħt l-awspiċji tal-Federazzjoni Maltija tat-Triathlon.

Jekk it-tiġrijiet li għaddew din is-sena kienu xi ħaġa li wieħed mur fuqhom,  Julian Harding – li għamel id-debutt tiegħu f’dan l-isport dan is-sajf,  kien il-favorit ċar wara li ħareġ bla telfa u b’Rekord Nazzjonali f’ismu. Is-snin tiegħu ta’ kompetizzjoni internazzjonali fl-għawm kienu evidenti hekk kif huwa mexxa l-pass fl-għawma ta’ 750 metru u daħal fit-transizzjoni għat-taqsima tar-rota b’minuta u tletin sekonda fuq Keith Galea.

Fit-taqsima tar-rota ta’ 20km, Harding kompla jkabbar il-vantaġġ biex jikseb vantaġġ ta’ aktar minn tliet minuti fuq Galea. Harding kompla bil-ġirja b’pass determinat, bl-għarfien li titlu ta’ kampjonat, ħlief għal kwalunkwe episodju mhux previst, kien qed jersaq fil-qrib. Harding spiċċa t-tellieqa f’58 minuta u 55 sekonda.  Dan ir-riżultat fisser li hu l-ewwel titlu tal-Kampjonat Nazzjonali Sprint Triathlon tiegħu.

Intant, Galea kompla b’ġirja kostanti u determinat li jikseb postu fuq il-podju finali fit-tieni post. Warajh kien Jesrit Camilleri, Camilleri permezz tal-ġirja tajba tiegħu rrnexxilu jimxi l-quddiem biex jispiċċa fit-tielet post.

Ma kien hemm l-ebda sorpriżi mistennija fit-taqsima tan-nisa b’Lara Buttigieg tkun immarkata bħala l-favorita. Buttigieg kienet l-ewwel mara barra mill-ilma bi Pia Zammit issegwiha għaxar sekondi wara. Transizzjoni kemmxejn aktar mgħaġġla minn Zammit ratha tnaqqas id-distakk hekk kif ħarġet fuq il-korsa tar-roti. Madankollu, Buttigieg żammet il-vantaġġ tagħha u kienet l-ewwel mara li spiċċat u rebħet it-titlu nazzjonali. Sadanittant, il-prestazzjoni bir-rota ta’ Krista Kuusijarvi ppermettilha tissupera lil Zammit li kellha tikkuntenta bit-tielet post.

“Is-Serje tas-Sprint Triathlon ta’ din is-sena kienet interessanti u pproduċiet bosta sorpriżi. Julian Harding ipprovda l-akbar sorpriża tal-istaġun wara ddomina dan l-isport. Kien tajjeb li tara taħlita bilanċjata ta’atletli b’esperjenza u  dawk relattivament ġodda li għamlu t-tlielaq tagħna interessanti ħafna” ikkummenta Euchar Camilleri, Segretarju Ġenerali tal-Birkirkara St. Joseph Sports Club.

Camilleri kkonkluda billi rringrazzja lil dawk kollha involuti, partikolarment l-isponsors tat-tellieqa Go & Fun Green Energy Drink Malta, Transport Malta, il-Kunsill Lokali tan-Naxxar, Birkirkara, u l-uffiċċji distrettwali tal-Pulizija tan-Naxxar.

Go&Fun Sprint Triathlon Tellieqa Numru 4 u Kampjonati Nazzjonali tas-Sprint Triathlon

Go&Fun Sprint Triathlon Series – Klassifika Ġenerali

Riżultati bbażati fuq l-erba tlielaq.