Tottenham Hotspur u West Ham United jinsabu interessati fid-difensur ta’ Manchester United, Harry Maguire. Dan tal-aħħar għandu 30 sena u jinsab fl-aħħar ġimgħat jilgħab f’Old Trafford wara l-esperjenza mhux daqstant pożittiva matul dan l-istaġun fejn wettaq ħafna żbalji difensivi.
L-eks plejer ta’ Leicester jixtieq avventura ġdida u għalhekk talab lid-diriġenti tar-Red Devils sabiex jitlaq minn Old Trafford mat-tmiem il-kampjonat Ingliż.
Maguire ilu ma’ Manchester United sa mis-sena 2019 fejn skorja erba’ gowls f’117-il partita.