Sirens……………0
Hibernians…….1
F’partita li ftit li xejn offriet okkażjonjijiet perikolużi Hibernians mingħajr ma mpressjonaw kisbu dak li kellhom bżonn jiġifieri tliet punti prezzjużi meta għelbu lil Sirens bl-iskor minimu ta’ 1-0, bil-goal tant importanti għalihom jasal minn Ali Diakite fil-ħin miżjud tal-ewwel taqsima.
Kien biss fit-28 minuta li waslet l-ewwel azzjoni denja ta’ nota, b’Hibernians jkunu huma li joħolqu l-periklu meta freekick insidjuż ta’ Jurgen Degabriele ġie mdawwar f’corner bi bravura mill-goalkeeper ta’ Sirens, Matthew Grech.
Huma komplew fuq l-offensiva u fl-44 minuta daqqa ta’ ras mill-viċin ta’ Kurt Shaw, wara li rċieva minn cross mix-xellug, intemmet ftit barra.
Kulma jmur kompla d-dominju assolut tal-Pawlisti u fil-ħin miżjud tal-ewwel taqsima, fetħu l-iskor permezz ta’ xutt b’saħħtu mid-distanza ta’ ALI DIAKITE li ma ta l-ebda ċans lill-goalkeeper ta’ Sirens, Matthew Grech, b’dan ikun il-200 goal ta’ dan l-istaġun.
Ta’ nota huwa l-fatt li l-aħħar darba li player ta’ Hibernains skorja l-200 goal tal-istaġun kien Bjorn Kristensen meta kien fetaħ l-iskor kontra Balzan fit-22 ta’ Novembru 2015.
Fit-tieni taqsima, ma ġiet innutata l-ebda azzjoni denja ta’ nota, b’Hibernians ikomplu jamministraw il-vantaġġ minimu li kellhom sa tmiem il-partita, b’Sirens jagħmlu minn kollox biex jippruvaw jinfdu lid-difiża avversarja iżda din kienet ferm organizzata u kumpatta u annullat għal kollox l-attakki tagħhom.
Sirens: 24-Matthew Grech, 3-Gary Camilleri, 4-Weder Soares Da Silva, 6-Marcelo Muniz Pereira, 8-Rei Tachikawa (26-Siraj Eddin Arab 81), 17-Jacob Walker, 21-Amah Ayo Vaikanah, 22-Alex Cini, 25-Paulo Vyctor Bento De Vale, 27-Ivan Vaselnov Kolev, 31-Degran Jackson (38-Stephane Sessegnon 65) Coach: Winston Muscat
Hiberians: 24-Ibrhaim Kone, 3-Ferdianando Apap, 4-Kurt Shaw, 6-Gonzalo Llerena Bravo, 8-Jake Grech, 10-Jurgen Degabriele, 11-Bjorn Kristensen (12-Dunstan Vella 88), 13-Zachary Grech (7-Thaylor Aldama 73), 22-Gabriel Izquier Artiles, 23-Yunusa Owolabi Muritala (9-Jairo Morillas Rivero 88), 42-Ali Diakite (88-Rodolfo Soares 90) Coach: Andrea Pisanu
Referee: Alex Johsnon
Ass. Referees: Duncan Sultana, James Muscat
Raba’ Uffiċjal: Slobodan Petrovic
Skorers: A. Diakite 46 (H)
Ammoniti: Ħadd
Player tal-Logħba: Ali Diakite (H)
