Luke Bajada kien il-protagonista prinċipali fir-rebħa li Qormi Daikin kellhom fil-kompetizzjoni tal-hockey 9s kontra GREE Sliema Hotsticks hekk kif skorja hat-trick. Il-Qriema rebħu din il-partita bl-iskor konvinċenti ta’ 3-1 fejn ikkontrollaw lill-avversarji tagħhom li bdew itellgħu xi kontrattakki.
Wara li l-ewwel quarter intemm 2-0 favur Qormi, iż-żewġ quarters ta’ wara ma pproduċew l-ebda gowl sabiex fl-aħħar quarter Emile Borg naqqas il-marġni tal-iskor għas-Slimiżi.
Qormi Daikin: Ayrton Spiteri, Jamie Arpa, Clayton Gatt, Glendon Gatt, Shawn Dimech, Neil Spiteri Montebello, Bernice Calleja, Luca Fsadni, Luke Bajada, Nicole Zammit, Axel Cauchi, Kurt Grixti, Nathan Pace Gasan, Daniel Ellul, Ayrton Falzon.
GREE Sliema Hotsticks: Luke Mallia, Alex Bolton, Emile Borg, Karl Borg, Julian Zahra, Gary Bonnici, Luca Runza, Ryan George, Alessandro Amore, Christ Agius, Keith Scicluna.
Umpires: Karl Chircop, Nathan Galea.
Sadanittant il-logħba mill-kampjonat nazzjonali tal-hockey bejn GREE Sliema Hotsticks u White Hart ma setgħetx titkompla wara li dawn tal-aħħar kellhom plejer li weġġa’ b’mod aċċidentali. Wara diskussjoni li saret mal-umpires, il-plejers ta’ White Hart ma kinux f’kundizzjoni li jkomplu l-partita. Sa dak il-ħin, Sliema kienu qed jirbħu 1-0.
Mill-kampjonat ta’ taħt id-19-il sena, Marsaskala Heat kellhom wirja kbira kontra Qormi Daikin Ladies tant li rebħulhom 4-1. Rebecca Mifsud, Jerome Carabott, Kaya Borg u Kelsey Meilak skorjaw l-gowls l-aktar importanti għall-Iskalin. Nicole Zammit naqset il-marġni tal-iskor għal Qormi.
