GREE Sliema Hotsticks ……2
Qormi Daikin………………..0
GREE Sliema Hotsticks rebħu l-konfront dirett għar-rebħ tal-kampjonat nazzjonali tal-Hockey kontra Qormi Daikin. Il-Blues, li rebħu din il-partita 2-0, taw qalbhom il-ħin kollu u ħarġu b’żewġ punti ferm importanti.
Wara żewġ quarters fejn iż-żewġ timijiet qagħdu attenti minn xulxin, is-Slimiżi żblukkaw is-sitwazzjoni fit-tielet quarter grazzi għall-gowl ta’ Julian Zahra li għeleb lill-gowlkiper avversarju.
Qormi ppruvaw iwettqu reazzjoni fir-raba’ quarter iżda spiċċaw qalgħu t-tieni wieħed hekk kif Chris Agius xeħet il-ballun fix-xibka.
B’din ir-rebħa, GREE Sliema Hotsticks qed igawdu vantaġġ ta’ tliet punti fuq l-avversarji Qriema hekk kif beda t-tielet rawnd ta’ din il-kompetizzjoni.
GREE Sliema Hotsticks: Nathan Julian Cardona, Shaun Grima, Ryan George, Karl Borg, Alessandro Amore, Silas Plaehn, Alex Bolton, Emile Borg, David Vella Dingli, Luke Brincat, Ryan Dalli, Christ Agius, Julian Zahra, Christian Sammut, Gary Bonnici, Charlo Sammut, Sean Demarco, Lukas Plaehn.
Qormi Daikin: Shamison Mifsud, Joseph Cuschieri, Clayton Gatt, Matthijs Bartelts, Zachary Degiovanni, Ayrton Falzon, Steve Tanti, Aaron Spiteri, Juan Sarcia, Duncan Edwards, Daniel Ellul, John Williams, Keith Calleja, Axel Cauchi, Shawn Dimech, Kurt Grixti, Nathan Pace Gasan, Glendon Gatt.
Umpires: Luke Busuttil Leaver, Nathan Galea.
Trust Payments Floriana Young Stars…..3
White Hart………………………………….0
Tliet gowls ta’ Mark Camilleri għenu lil Trust Payments Floriana Young Stars jegħlbu lit-tim tal-qiegħ White Hart 3-0.
Kienet logħba li l-Furjaniżi kkontrollaw tajjeb għalkemm White Hart kellhom il-mumenti tagħhom u kienu żvinturati li ma skorjawx il-gowl ta’ konsolazzjoni.
Wara quarter fejn ma ġie rreġistrat l-ebda gowl, il-Furjaniżi skorjaw fit-tliet quarters ta’ wara b’Mark Camilleri li spikka b’hat-trick personali.
White Hart: Karl Borg, Stephen Micallef, Paola Calleja, David Agius, Elton Lee Farrugia, Luke Dimech, Carl Tua, Kevin Micallef, Oliver Millard, Peter Medawar, Shawn Falzon, Glen Bonello, Oscar Toledano, Matthew Buhagiar, Keith Scicluna, Susie Jones.
Trust Payments Floriana Young Stars: Waylin Abdilla, Marvin Grixti, Mark Camilleri, Chris Bonello, Jimena Otero, Clive Williams, Karl Chircop, Andrea Curmi, Leon Gatt, Andrew Camilleri, Luke Borg Costanzi, Kyle Micallef, Julian Farrugia, Deemer Rapinett, Verner Cachia, Nathan Cachia, Anton Saliba.
Umpires: Manuel Imbroll, Paul Brincat
KLASSIFIKA – KAMPJONAT NAZZJONALI TAL-HOCKEY
GREE Sliema Hotsticks 12, Qormi Daikin 9, Trust Payments Floriana Young Stars 7, White Hart 0
Mill-kampjonat ta’ taħt id-19-il sena, GREE Sliema Hotsticks għelbu lil Qormi Ladies 5-1 filwaqt li Trust Payments Floriana Young Stars u Qormi Daikin spiċċaw fi dro ta’ 2-2.
Finalment fil-kategorija ta’ taħt il-15-il sena Marsaskala Heat għelbu bl-iskor kbir ta’ 12-0 lil Trust Payment Floriana Young Stars.