Fil-jiem li għaddew f’Malta kien hawn il-kowċ Ingliż tal-hockey Ian Cordwell li wettaq sessjonijiet ta’ taħriġ mal-klabb Malti ta’ Qormi Daikin.
Hu kien preżenti f’xi partiti mill-kampjonat lokali li saru fi tmiem din il-ġimgħa u kellu ċ-ċans jara aħjar il-faċilitajiet fil-kumpless tal-hockey f’Kordin.
Cordwell għandu 56 sena u hu bbażat f’Bath fejn mexxa diversi timijiet tal-irġiel kif ukoll jagħti sehmu fl-universita’ prestiġġjuża ta’ din il-belt.
Hu kien ukoll Head Coach fil-Bristol Performance Centre u direttur f’diversi akkademji Ingliżi li jippromwovu dan l-isport.
Cordwell faħħar il-faċilitajiet f’Kordin kif ukoll il-klima ideali f’Malta fejn wieħed jista’ jwettaq training camps internazzjonali.
Din iż-żjara saret possibbli grazzi għal wieħed mill-plejers ta’ Qormi Daikin John Degiovanni li kellu kuntatt kontinwu ma’ Cordwell sakemm ġiet definita din iż-żjara uffiċjali.
