Goal uniku fl-ewwel quarter skorjat minn Muslum Elagoz kien biżżejjed sabiex it-tim ospitu ta’ Nizip Zeugma Sk jirbaħ kontra Qormi Daikin fil-Eurohockey Challenge 3.Kienet partita missielta fejn it-tim Tork kien determinat sabiex jikseb l-ewwel punti tiegħu f’din il-kompetizzjoni.
Min-naħa tagħhom, Qormi, li rebħu l-ewwel logħba kontra Kilppari, taw qalbhom f’din il-partita u kienu ferm żvinturati li ma ġabux l-iskor indaqs meta kellhom xejn inqas minn tliet ċansijiet ta’ skor. It-Tnejn li ġej Qormi jkunu fl-azzjoni fil-finali sabiex jiġi determinat fejn se jsibu posthom f’dan it-tournament.
