Konsegwenza tal-maltemp kbir li għamel fl-aħħar jiem, it-terminal tal-Fast Ferry fil-Belt Valletta spiċċa bi ħsarat kbar li skont sorsi jgħidu li jammontaw għal eluf kbar ta’ ewro.
L-awtoritajiet qegħdin jipprovaw li jirranġaw il-ħsarat fl-inqas żmien posibbli minkejja li dan xorta mistenni li jieħu ammont ta’ ġimgħat.
Is-servizz tal-fast ferry bejn Għawdex u Malta s’issa għadu sospiż u mhux magħruf jekk hux se jerġa’ jibda sakemm it-terminal jitranġa.
