It-tifla ferm simpatika Amber Mangion irnexxielha tiltaqa’ u tingħata l-barka mill-Papa Franġisku hekk kif flimkien mal-Għaqda Mużikali San Gejtanu żaret Ruma għall-okkażjoni tant importanti.
Dan hekk kif illum f’Ruma se jitfakkar l-anniversarju ta’ meta San Gejtanu waqqaf l-Ordni tal-Patrijiet tat-Teatini. Dan l-anniversarju se jsir fil-preżenza tal-istatwa titulari ta’ San Gejtanu tal-Ħamrun.
L-istatwa titulari ta’ San Gejtanu ħalliet Malta fi triqitha lejn Ruma fil-25 t’Awwissu li għadda biex tkun parti minn pellegrinaġġ storiku fl-okkażjoni tal-500 sena mit-twaqqif tal-Ordni tal-Patrijiet Teatini li kien waqqaf San Gejtanu stess.
