L-attakkant internazzjonali Arġentin Mauro Icardi ffirma ma’ Galatasaray sabiex issa hu uffiċjalment plejer b’kuntratt mat-tim Tork. Wara li fl-istaġun li għadda kien lagħab b’self magħhom mingħand Paris St Germain, Icardi kellu ħajra kbira li jibqa’ f’Istanbul wara mumenti ferm tajbin li qatta’ magħhom.
Fil-fatt, Icardi lagħab 24 logħba ma’ Galatasaray u skorja 22 gowl fi staġun li kien wieħed ta’ suċċess.
Il-partitarji Torok kienu fis-seba’ sema għal din l-aħbar hekk kif jikkunsidraw lill-plejer ta’ 30 sena bħala l-idolu tagħhom.
