Studju ġdid jissuġġerixxi li kurrent tal-Oċean Atlantiku li jġib is-sħana mit-tropiċi lejn l-Ewropa jista’ jiġġarraf ħafna aktar kmieni milli kienu ħasbu qabel ix-xjentisti.
Magħruf bħala l-Atlantic Meridional Overturning Circulation (AMOC), dan il-kurrent jipprevjeni lir-Renju Unit u pajjiżi oħra fil-majjistral tal-Ewropa milli jkollhom l-istess xtiewi bis-silġ li spiss jesperjenzaw fl-istess latitudnijiet fil-Kanada.
Minkejja dan kollu, l-istudju l-ġdid jissuġġerixxi li l-kurrent jista jikkollassa ħafna aktar kmieni milli kien maħsub qabel u kawża t’hekk jista’ iwassal għal impatti severi fuq il-klima madwar id-dinja.
Iċ-Ċirkolazzjoni tal-Qlib Meridjonali tal-Atlantiku (Amoc), imexxi l-ilma sħun lejn it-tramuntana, li jibred u jevapora hekk kif jiċċaqlaq, isir aktar mielaħ u dens. Dan jista’ għalhekk jikkawża li jegħreq u jmur lejn in-Nofsinhar qabel ma jinġibed fil-wiċċ u jerġa jissaħħan, billi jirrepeti ċ-ċiklu.
Madankollu, peress li t-tisħin globali wassal li s-silġ jibda jdub fl-emisferu tat-Tramuntan , il-volum tal-ilma ħelu fl-Atlantiku żdied. Barra minn hekk, it-temperatura ġenerali tal-oċean żdiedet ukoll, u kompliet tfixkel iċ-ċiklu.
Bosta studji wrew li l-Amoc x’aktarx se tiddgħajjef fil-futur. Madankollu, studju ġdid jissuġġerixxi li l-kollass sħiħ jew parzjali huwa l-aktar probabbli li jseħħ dan is-seklu u mill-2025.
