Ilbieraħ filgħaxija tħabbret il-mewt tal-poeta u awtur Raymond Mahoney, li ħalla din id-dinja fl-età ta’ 74 sena. Mahoney kien il-moħħ wara diversi xogħol letterarju.
Waħda mid-diversi produzzjonijiet leġġendarji li ħadem fuqhom l-ikona tal-letteratura kien f’Ġensna. Huwa kien involut ukoll f’Bastilja, f’Ulied in-Nanna Venut fl-Amerika, Il-Gwerra ta’ Spiru Cefai, f’Żeża tal-Flagship u Il-Bandiera tal-Maltin.
Barra minn hekk, huwa kiteb ukoll il-kanzunetti li rrappreżentaw lil Malta fil-Eurovision Song Contest 1991 u 1992, Could it Be u Little Child. Could it be tkantat mill-kantanti Paul u Georgina, filwaqt li l-kanzunetta Little Child tkantat minn Mary Spiteri.
