Sorsi qrib dan is-sit qalulna li l-persuna li lbieraħ waranofsinhar kellha bżonn l-assistenza f’Ħondoq ir-Rummien hija mara mis-Serbja ta’ 32 sena.
Jirriżulta li l-inċident seħħ waqt li l-mara kienet mixja fuq il-blat li hemm fl-inħawi ta’ Ħondoq ir-Rummien meta għal xi raġuni waqgħet madwar 3 metri.
Minħabba l-post fejn waqgħet it-tim mediku mill-Isptar Ġenerali t’Għawdex ma setgħux jassistuha u għalhekk intalbet l-assistenza tal-Ħaddiema tal-Protezzjoni Ċivili.
Jidher li l-mara sofriet xi ksur fosthom f’sieqha u issa tinsab f’kundizzjoni stabbli.
Aktar kmieni: Jassistu persuna li kellha bżonn l-assistenza f’Ħondoq ir-Rummien
Il-Membri tal-Protezzjoni Ċivili lbieraħ waranofsinhar mexxew operazzjoni ta’ salvataġġ biex ġiet salvata persuna li kellha bżonn l-assistenza waqt li kienet fil-bajja ta’ Ħondoq ir-Rummien.
Il-ħaddiema tas-salvataġġ mill-Istazzjonijiet 5 u 6 marru mill-ewwel fuq il-post fejn bi professjonalità kbira salvaw lill-persuna.
Hija ttieħded lejn il-Port tal-Imġarr fejn hemm sabet tim mediku mill-Isptar Ġenerali t’Għawdex li wara li tawha l-ewwel għajnuna ttieħded għal aktar kura.
Hija twasslet fil-port tal-Imġarr abbord id-dgħajsa tal-Protezzjoni Ċivili Delta 2.
Il-kundizzjoni tal-persuna li ġiet salvata s’issa għadha mhix magħrufa.
