Minn Cristian Muscat
Kif bdiet l-imħabba tiegħek lejn il-futbol?
L-imħabba lejn il-futbol, forsi nista’ ngħid li qiegħda fid-demm. Jiena għandi lil missieri Reggie Cini li huwa eks goalkeeper tan-Nazzjonal Malti, u wkoll lil ħija Yannes Cini, u niftakarni missieri kien joħodni l-grawnd biex nara lil ħija jilgħab, għax lil missieri ma tantx ilħaqtu, ftit ilħaqt lil missieri jilgħab, u minn hemm bdiet din l-imħabba tiegħi lejn il-futbol.
U kif għażilt proprju r-rwol ta’ goalkeeper?
Għażilt l-irwol ta’ goalkeeper, ovvjament, l-istess ħaġa, għax xtaqt li nimxi fuq il-passi ta’ missieri u ta’ ħija wkoll, u minn dejjem kien l-irwol li xtaqt nikber fih u niġri wara l-ħolma tiegħi.
Iddeskrivi l-esperjenza preżenti tiegħek bħala goalkeeper ta’ Pietà Hotspurs.
L-esperjenza tiegħi bħala goalkeeper tal-Pietà Hotspurs hija xi ħaġa li għalija hi ħaġa kbira. Bdejt mill-akkademja, bqajt tiela’ l-akkademja kollha, jiġifieri l-Youth Development kollu, sal-Under 17, fejn imbagħad iċċaqlaqt, u wara nuqqas ta’ sentejn mal-Pietà erġajt irritornajt wara li wrew interess fija biex nidħol fit-tim tal-kbar, u rnexxieli, u issa din hija r-raba’ sena tiegħi ma’ Pietà Hotspurs fis-Senior Squad.
X’tikkummenta fuq l-andament tat-tim tiegħek matul dan l-istaġun sa issa?
L-andament tat-tim bħalissa matul dan l-istaġun naħseb bħalma kulħadd jaf, iċ-Challenge League m’għadux iċ-Challenge League li nafu qabel, vera żdiedu timijiet b’saħħithom, m’għadekx tgħid li hemm żewġ timijiet jikkompetu, jew tnejn li ser jitilgħu żgur, hemm minn tal-anqas fl-opinjoni tiegħi, tmien timijiet li kulħadd irid jitla’. Kulħadd qed jiġġieled għal postu, u hija esperjenza sabiħa għal sena oħra fiċ-Challenge League.
X’inhuma t-tragwardi tagħkom għal dan l-istaġun?
It-tragwardi matul dan l-istaġun huwa li nkunu mal-ewwel tmienja u rnexxielna, u issa ovvjament nagħmlu dak kollu li nistgħu biex mhux biss inkunu dħalna mal-ewwel tmienja imma anke niġġieldu għall-promozzjoni fil-premiere.
Kif tqis il-livell tal-futbol Malti fil-preżent?
Naħseb li l-livell tal-futbol Malti żdied. Sfortunatament naħseb li l-livell żdied mhux min-naħa tal-Maltin, imma minħabba ħafna plejers barranin li qed jiġu minn barra, speċjalmment fil-Premiere League. Il-livell żdied bħalma qed juri, u hija xi ħaġa tassew sabiħa li tara li l-livell tal-futbol Malti huwa issa ogħla.
U l-livell tar-riżorsi (grawnds) fejn tilagħbu l-logħob tagħkom?
Dwar riżorsi ta’ grawnds fejn nilagħbu aħna nilagħbu ġewwa s-Centenary Stadium u ġewwa l-Ħamrun, Victor Tedesco Stadium, ovvjament Victor Tedesco Stadium għadu kemm jiġi rinovat, li naħseb li kien investiment tajjeb ħafna, bdil tat-turf eżempju, xi ħaġa sabiħa għalina wkoll għax tieħu gost tilgħab fi grawnd hekk, u s-Centenary Stadium ovvjament huwa naħseb grawnd mill-aqwa. Għalhekk naħseb li l-livelli tal-grawnds bħalissa jinsabu mill-aħjar.
Għaddi messaġġ finali lil min jixtieq jibda jilgħab il-futbol.
Messaġġ finali għal min jixtieq jibda jilgħab il-futbol huwa li ovvjament mhux faċli li tibni karriera. Il-karriera hija twila, imma l-messaġġ tiegħi huwa li biex tasal fejn tixtieq trid tiġġieled għal dak li trid, u ma tħalli xejn iwaqqfek u xejn ifixklek, għax il-futbol mhuwiex sempliċiment futbol, imma huwa wkoll bħal mediċina għal kulħadd, għax iżommok ’il bogħod mill-ħażen li hawn illum fil-ħajja. Iġri wara l-ħolm tiegħek u agħmel kuraġġ għax il-futbol, ngħid għalija personali huwa ħajti!
