Il-President tal-Assoċjazzjoni tal-Kunsilli Lokali, Mario Fava, esprima s-solidarjetà tiegħu mas-Sindku ta’ Tas-Sliema, John Pillow, wara li dan tal-aħħar ġie attakkat minn xi persuni tard filgħaxija. Dan wara li ġibdilhom l-attenzjoni li ma setgħux jaqdu l-bżonniijiet naturali tagħhom fuq il-blat fil-pubbliku.
Is-Sur Fava saħaq li s-sindki u l-kunsilliera qed jagħtu minn ħinhom u mill-ħin tal-familja tagħhom biex itejbu l-lokalitajiet tagħna u ta’ dan għandhom jingħataw kull rispett.
“Min ma jafx jaġixxi ta’ nies fil-pubbliku, postu mhux fit-triq” Temm jgħid is-Sur Fava.
