F’Lulju li għadda, in-numru ta’ persuni jirreġistraw għax-xogħol kien dak ta’ 925, li jfisser tnaqqis ta’ 617 meta mqabbel mal-istess xahar tas-sena ta’ qabel.
Ċifri provduti minn Jobsplus għal Lulju juru li kien hemm tnaqqis ta’ 580 persuna jirreġistraw taħt Part 1 u tnaqqis ta’ 37 oħra jirreġistraw taħt Part 2.
It-tnaqqis fil-livelli tal-qgħad kien irreġistrat fil-gruppi kollha ta’ etajiet, kemm għall-irġiel kif ukoll għan-nisa.
L-istatistika turi li naqsu dawk li kienu ilhom jirreġistraw għax-xogħol għal inqas minn 21 ġimgħa u dawk li kienu ilhom jirreġistraw bejn 21 u 52 ġimgħa. Dan filwaqt li l-akbar tnaqqis kien irreġistrat fost dawk li kien ilhom ifittxu xogħol għal aktar minn sena.
In-numru ta’ persuni b’diżabilità jfittxu xogħol naqsu b’33 fuq Lulju 2021 biex laħaq il-225.
