Konxji li l-għajxien ta’ madwar 300 tifel u tifla membri tan-nursery ta’ Fgura United FC mħux kollha se jkunu qed jiddependu mill-football meta jikbru, huma dejjem emmnu li għandhom l-obbligu li jħarrġuhom b’mod ħolistiku u għaldaqstant minn issa l-quddiem se jkunu qed jagħtu ċertifikat t’attendenza għal kull attivitá edukattiva li se jkunu qed jorganizzaw kif ukoll iżommu record ta’ kull individwu u ċ-ċertifikati li jkun ġab mal-medda taz-żmien.
Il-ħsieb hu li hekk kif it-tfal jikbru magħhom, ta’ 16-il sena jkunu diġa għandhom file numeruż ta’ ċertifikati li żgur jgħinhom fi kwalunkwe għażla li jagħmlu għall-futur tagħhom, kemm jekk hux studju jew xogħol.
Dan il-proġett se jinbeda mmedjatament billi fil-gimgħat li gejjin se jiġu ppreżentati 15-il ċertifikat lil tfal ta’ disa’ snin li attendew workshop fuq Leadership.
