Il-Bank of Valletta għandu erba’ fergħat magħluqin temporanjament. Dan wara li l-fergħa ta’ Ħaż-Żabbar illum ukoll kellha tingħalaq wara li wieħed mill-impjegati rriżulta pożittiv għall-Covid-19.
Għaldaqstant attwalment apparti din il-fergħa, il-BOV għandu l-fergħat tal-Gżira, tal-Marsa u ta’ Ħal Qormi magħluqin.
Il-Bank qal li l-fergħa se tkun qed tiġi diżinfettata u terġa tinfetaħ meta jkun aċċertat li hija sigura għall-klijenti u l-impjegati tal-Bank.
