Paris Saint-Germain bdew kuntatti ma’ Nice dwar il-possibbiltà li jissostitwixxu lil Mauricio Pochettino ma’ Christophe Galtier.
Pochettino rebaħ it-titlu tal-Ligue 1, il-Coupe de France u t-Tropheee des Champions matul il-perjodu ta’ sena u nofs tiegħu fit-tmun ta’ PSG, iżda t-team tiegħu ddiżappunta ferm fiċ-Champions League.
Filwaqt li l-coach Arġentin mexxa lit-team tiegħu għar-rebħ tal-Ligue 1 meta kien għad fadal erba’ logħbiet x’jintlagħbu, PSG sofrew kollass fir-round tal-aħħar 16 taċ-Champions League kontra Real Madrid fl-istaġun 2021-22 u ġew eliminati wkoll mill-Coupe de France minn Nice, immexxija mill-istess Galtier.