Manchester United qed iżommu ħarsithom mill-qrib fuq il-progress tal-manager ta’ Sporting Lisbon, Ruben Amorim hekk kif iqisuh bħala dak li jista’ jkun il-manager permanenti li jmiss tagħhom.
Il-manager temporanju attwali Ralf Rangnick inħatar sal-aħħar tal-istaġun wara t-tluq ta’ Ole Gunnar Solskjaer, u f’liema punt huwa se jidħol fi rwol ta’ konsulenza.
Rangnick se jkollu vuċi dwar min jissuċċedih fit-tmexxija tal-club minn Old Trafford, u għadd ta’ ismijiet – fosthom Mauricio Pochettino, Erik ten Hag, Brendan Rodgers u Zinedine Zidane – ġew marbuta mal-kariga.
Amorim jinsab ukoll fil-lista mqassra ta’ kandidati potenzjali ta’ Man United, wara li s’issa impressjona matul iż-żmien tiegħu fit-tmexxija ta’ Sporting Lisbon.
Il-manager ta’ 36 sena ħa f’idejh fi Sporting biss f’Marzu 2020, iżda fl-ewwel staġun sħiħ tiegħu fit-tmun mexxa lill-club għall-ewwel titlu tagħhom tal-Primeira Liga għal 19-il sena.
Sporting rebħu wkoll it-Taca da Liga fi staġun li feih rebħu d-double, b’Amorim iżomm dak it-trofew li kien rebaħ ukoll ma’ Braga l-istaġun ta’ qabel.
Madankollu, l-ex internazzjonali tal-Portugall hu mifhum li għandu klawsola ta’ release ta’ £25m fil-kuntratt tiegħu fl-Estadio Jose Alvalade, li jagħmilha għażla għalja għal Man United.
Pochettino għadu maħsub li huwa l-favorit għal din il-kariga, wara rapporti li huwa lest li jitlaq lil Paris Saint-Germain.
