Il-finali tas-Super Cup Taljana bejn Inter u Lazio se tintlagħab “qabel il-Milied”, iżda l-post fejn se ssir se jitħabbar waqt il-laqgħa li jmiss tal-Lega Serie A, skont il-president Ezio Maria Simonelli.
Il-format tal-kompetizzjoni, li fl-aħħar tliet snin kien jinvolvi erba’ timijiet u kien jintlagħab f’Riyadh, l-Arabja Sawdija, se jerġa’ jinbidel.
Minn dan l-istaġun se jipparteċipaw biss żewġ timijiet: Inter, li rebħu kemm is-Serie A kif ukoll il-Coppa Italia l-istaġun li għadda, u Lazio, li spiċċaw runners-up fil-Coppa Italia.
L-aktar dati probabbli huma t-22 jew it-23 ta’ Diċembru 2026.
